Ferðaþjónustan þarfnast líka mannauðsstjórnunar

Sjálfstætt starfandi mannauðsstjórar geta stutt við stjórnendur.

Stjórnendur og eigendur geta þá betur sinnt kjarnastarfseminni og aukið þannig árangur og gleði í rekstrinum!

Ferðaþjónusta er ein af sóknaratvinnugreinum íslensks efnahagslífs. Rekstrarumhverfið er krefjandi, þar sem árstíðabundnar sveiflur lita reksturinn og margir atvinnurekendur reiða sig á starfsmenn sem eru ráðnir til skamms tíma í senn. Skilvirkar og hraðar ráðningar ásamt hnitmiðaðri þjálfun starfsmanna skipta þá miklu máli

Sjálfstætt starfandi mannauðsstjórar geta gegnt lykilhlutverki í að styðja ferðaþjónustufyrirtæki við að ná markmiðum sínum, tryggja þjónustugæði, skapa starfsánægju, ná fram skilvirkum rekstri, styðja við stjórnendur og auka samkeppnisfærni. Þannig fá fyrirtækin sérhæfða aðstoð án þess að þurfa að halda úti föstum mannauðsdeildum eða vera með fastráðinn mannauðsstjóra. 🚀

Ráðningar og þjálfun starfsfólks

Oft er mikið stress og álag sem einkenna ráðningatímabilið. En það má létta á álaginu með aðkeyptri þjónustu mannauðsstjóra sem geta aðstoðað við;

• Innleiðingu ferla og ráðningarkerfa sem einfalda ráðningarferli, eykur skilvirkni og skapar aukin gæði í ráðningum og þjálfun starfsmanna.
• Val og ráðningar starfsmanna sem uppfylla þarfir fyrirtækisins.
• Nýliðaþjálfun til að tryggja þau gæði, öryggis og fagmennsku sem ferðamenn vænta.

Starfsánægja og vinnustaðamenning

Mikil starfsmannavelta getur valdið auknum kostnaði og minnkað þjónustugæði. Til að draga úr starfsmannaveltu geta mannauðsstjórar:

• Hjálpað til við að skapa jákvæða vinnustaðamenningu.
• Framkvæmt starfsánægjukannanir og stutt við starfsmannasamtöl til að greina ánægju starfsfólks.
• Veitt ráðgjöf um aðferðir til að efla og halda í öflugustu starfsmennina.

Mannauðsstefna og lagaumgjörð

Vinnumarkaðslöggjöfin er í sífelldri þróun, og ferðaþjónustuaðilar þarfnast réttrar ráðgjafar til að tryggja samræmi við gildandi lög og reglugerðir. Mannauðsstjórar geta m.a.:

• Mótað mannauðsstefnu sem styður við rekstrarmarkmið.
• Tryggt að ráðningarsamningar og vinnuskjöl uppfylli lagakröfur á sama tíma og hagsmuna sé gætt.
• Veitt ráðgjöf um kjarasamninga og vinnulöggjöf

Árangursmat og umbunarkerfi

Til að hvetja starfsmenn til árangurs geta mannauðsstjórar:

• Mótað skýra árangursmælikvarða.
• Hannað hvatakerfi og umbunarkerfi sem hvetja til betri frammistöðu.
• Aðstoðað við frammistöðumatið til að tryggja samfellu í gæðum þjónustunnar.

Lausn starfsmannamála og ágreiningsmála

Oft er sagt að þar sem eru starfsmenn, þar koma upp vandamál. Starfsmannavandamál geta haft áhrif á starfsanda og þjónustugæði innan fyrirtækisins. Sjálfstætt starfandi mannauðsstjórar geta hjálpað við:

• Lausn ágreiningsmála innan vinnustaða.
• Gerð ferla og aðgerðaráætlunar gegn einelti og kynferðislegu og kynbundnu ofbeldi.
• Aðgerðir tengdar fjölbreytileika, jafnrétti og inngildingu á vinnustað.
• Viðverustefnu og stutt við stjórnendur til að lágmarka fjölda veikindadaga.
• Stuðning við stjórnendur og starfsmenn með aðstoð og ráðgjöf eftir þörfum.

Skipulagning vinnutíma og vaktaplön

Vel skipulagður vinnutími er lykilatriði í ferðaþjónustu og það er mikilvægt að meta hvar er hægt að veita sveigjanleika og stuðla að því að mönnun sé með sem bestum hætti. Mannauðsstjórar geta:

• Veitt ráðgjöf um árangursríkt vaktaskipulag.
• Hjálpað við innleiðingu tæknilausna fyrir vaktaplön.
• Tryggt að starfsmenn fái nægilega hvíld til að forðast kulnun.

Tryggðu að næsta ferðamannatímabil verði léttara með þjónustu Hoobla 🌿

Með því að nýta sjálfstætt starfandi mannauðsstjóra geta ferðaþjónustufyrirtæki tryggt betri gæði í mannauðsstjórnun, komið í veg fyrir kulnun eigenda og stjórnenda, aukið sveigjanleika í rekstri og gert að verkum að störf stjórnenda verða skemmtilegri. Þetta er hægt að gera án þess að halda útí fastráðinni mannauðsdeild.

Fyrirtæki sem hafa nýtt sér þjónustu Hoobla hafa náð fram auknum stöðugleika í mönnun, ánægðara starfsfólki sem veitir þá betri þjónustu og stuðlað þannig að rekstrarhagræði.